منتدى ملكة القصر

يسر ادارة المنتدى الاشتراك فى اوريفليم تحت كود231066 او 231391
 
الرئيسيةالبوابةاليوميةمكتبة الصوربحـثقائمة الاعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» وصفات هايلة لتكثيف وتنعيم الشعر
السبت مارس 26 2011, 02:02 من طرف د نسرين

» :: طموحة بذاتي .. استثنائية في حياتي ::
الجمعة فبراير 18 2011, 05:59 من طرف د نسرين

» مصر فوق الجميع
السبت فبراير 05 2011, 01:12 من طرف sarora

» :: فضفض مع الصور ::
الخميس فبراير 03 2011, 05:12 من طرف sarora

»  لا تتسرع فى حكمك عمن حولك
السبت يناير 22 2011, 03:58 من طرف د نسرين

» رواية (أنت لى) الرومانسية الرائعة
السبت يناير 22 2011, 03:54 من طرف د نسرين

» هل صمت المراه يزيد من جاذبيتها
الثلاثاء يناير 18 2011, 21:17 من طرف samar

» من نوادر جحا
الثلاثاء يناير 18 2011, 18:33 من طرف د.نشوى عبدالفتاح

» Holiday French Tip Nails
الثلاثاء يناير 18 2011, 01:26 من طرف sara smsma

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
أفضل 10 أعضاء في هذا المنتدى
د نسرين
 
sarora
 
د.رشا
 
samar
 
sara smsma
 
ليالي
 
د.نشوى عبدالفتاح
 
الورد الجوري
 
اسيرة الذكريات
 
dr.samar
 
تصويت
ازاى تكتب بروتوكول رسالة ماجستير 5 5 4
شاطر | 
 

 ازاى تكتب بروتوكول رسالة ماجستير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: ازاى تكتب بروتوكول رسالة ماجستير   السبت سبتمبر 25 2010, 05:59

السلام عليكم ورحمة الله

قبل مانتكلم لازم اقول ان الموضوع بالكامل منقول للفائدة


هنكتب غلاف البروتوكول
بالإنجيزى .... و بالعربى
بالإنجليزى

أعلى الصفحه يتم كتابة عنوان الرساله بخط كبير و BOLD و يفضل أنها كلها تكون بحروف CAPITAL

تسيب سطر و تكتب

فى وسط الصفحه هتكتب Essay ولا Thesis

السطر التالى : فى وسط الصفحه هتكتب Submitted By

السطر التالى : فى وسط الصفحه هتكتب إسمك (يفضل إنه يكون رباعى) .... و طبعاً لاحظ إوعى حجم الفونط بتاع إسمك يبقى أكبر (أو حتى) مساوى لحجم الفونت اللى هتكتب بيه أسماء المشرفين

السطر التالى : فى وسط الصفحه هتكتب
إذا كانت رسالة ماجستير هتكتب M.B.B.Ch.
و تعنى بكالوريوس الطب و الجراحه لمن بللاتينى و هى إخصار
Medicin Baccalaureus et Baccalaureus Chirurgi
طبعاً مش مطلوب منك تعرف هى إختصار إيه

و إذا كانت رسالة دكتوراه هتكتب M.B.B.Ch., M.Sc
و M.Sc إختصار Master of Science

السطر التالى : إذا كانت رسالة ماجستير
In partial fulfillment of Master Degree
إذا كانت رسالة دكتوراه هتكتب
In partial fulfillment of M.D Degree

ممكن تسيب سطر (إن أمكن) .... و فى فى وسط السطر التالى أو فى وسط هذا السطر لو كانت المساحه بتاعة الصفحه لا تسمح بترك فراغ ...
هتكيب Supervisors أو تكتب Supervised By

و بعدين هتكتب أسماء المشرفين .... تبعاً لأقدميتهم .راعى النقطه دى كويس جداً) .... و طبعاً ... إسم أى واحد فيهم لازم يبقى Bold و يفضل إنه يكون كله Capital .... و طبعاً الإسم و التوصيف لكل واحد منهم بيبقى فى نص الصفحه ... و بعد م تكتب الإسم تكتب التوصيف فى السطر التالى (يعنى أستاذ و رئيس قسم و لا أستاذ ... و لا أستاذ مساعد ... و لا مدرس) .... ثم السطر التالى تكتب إسم الكليه اللى الأستاذ شغال فيها .....
و هديلكم مثال : رساله بيشرف عليها 4 مشرفين .... واحد منهم رئيس قسم و الثانى أستاذ و الثالث أستاذ مساعد و الرابع مدرس
و لنفترض إنهم هم الأربعه إسمهم John Smith Adam و كلهم من قسم الجراحه العامه فى جامعة القاهره

JOHN SMITH ADAM
Prof. and Head of General Surgery department
Cairo faculty of medicine

JOHN SMITH ADAM
Prof. of General Surgery department
Cairo faculty of medicine

JOHN SMITH ADAM
Assist. Prof. of General Surgery department
Cairo faculty of medicine

JOHN SMITH ADAM
Lecturer of General Surgery department
Cairo faculty of medicine

و هتكتب فى آخر الصفحه من تحت و فى وسط السطر السنه الميلاديه يعنى إحنا دلوقتى فى 2008 هتكتب 2008 ....
فيه بعض الأساتذه فى الأزهر بيصر على كتابة التاريخ الهجرى كمان ....
يبقى فى الحاله دى هتكتب
2008 (A.D.) – 1428 (H)

بالنسبه للغلاف العربى ماهو إلا ترجمه للغلاف الإنجليزى و يكتب بنفس طريقة كتابة الإنجليزى .....
يعنى هتكتب عنوان الرساله بالعربى ....
و بعدين هتكتب :
رساله تمهيديه مقدمه من
الطبيب / و تكتب إسمك
بكالوريوس الطب و الجراحه (إذا كانت ماجستير)
بكالوريوس الطب و الجراحه و ماجستير ..... (إذا كانت دكتوراه وطبعاً هتحط الماجستير اللى انت واخده مكان النقط)
السطر التالى هتكتب : توطئة للحصول على درجة الماجستير (أو الدكتوراه) فى ......... (التخصص)

و بعدين هتكتب : تحت إشراف

و تكتب الأساتذه بالترتيب و التوصيف اللى قلته فى الإنجليزى (بس طبعاً مترجم للعربى)

و فى الآخر هتكتب السنه
طيب إيه اللى هيتكتب فى البروتوكول
بالنسبه لل Thesis
هيكتب الآتى :
Introduction
Patients and Methods
و ممكن تمشى Material and Methods
Aim of the Work
References
Arabic Summary
و من الناحيه العربى
الملخص العربى

[URL=http://www.hotagri.com][/URL]


عدل سابقا من قبل د نسرين في السبت سبتمبر 25 2010, 06:24 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: رد: ازاى تكتب بروتوكول رسالة ماجستير   السبت سبتمبر 25 2010, 06:02

1[b]. Introduction موضوع زى
PREVALENCE OF LYMPHOMAS AMONG PATIENTS PRESENTED WITH FEVER OF UNKNOWN ORIGIN

ممكن الدخول له بطريقتين
إما عن طريق ال Lymphoma .... و إما عن طريق ال
Fever of unknwon origin (FUO)
هنتفق على الخطوات اللى هنعملها فى موضوع زى ده
طبعاً العناوين اللى هقولها دى مش هتتكتب .... و هتبقى ورا بعضها فى paragraph واحد أو أكثر ..... و يفصل بين كل جمله و الثانيه المرجع reference بتاع الجمله السابقه
إيه هى الطريقه : هنكتب تعريف الموضوع ... و إذا كان له خلفيه تاريخيه (أقصد تاريخ إكتشاف المرض ده) .... و إيه مدى إنتشاره و مين الفئات المعرضه أكثر ليه ... و إيه الحاله المرضيه اللى ممكن يظهر بيها (أعراضه إيه) .... و من هنا تلقط خيط الربط بين ال Lymphoma و ال FUO .... و طرق التشخيص و العلاج ... و كيفية منع حدوثه إن أمكن .... و إذا كانت فيه حالات وفاه من تلازم ال lymphoma مع FUO و هل وجود ال FUO يفرق فى ال Prognosis و الا لأ .... و بكده يبقى مبروك خلصت ال Introduction ... و يكون عدد المراجع بتاعتك فيها من 6-12 مرجع (الغالب 8-10 ) كافيه جداً .... و هبقى أتكلم على كيفية كتابة المرجع (جوه و بره .... يعنى إيه جوه ...يعنى إزاى تكتب المرجع ورا كل جمله بتقولها فى ال Introduction و يعنى إيه بره ... يعنى إزاى تكتب المرجع فى الجزء بتاع ال References)
لرساله
[/b]

[URL=http://www.hotagri.com][/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: رد: ازاى تكتب بروتوكول رسالة ماجستير   السبت سبتمبر 25 2010, 06:05

كيفية كتابة المراجع References
هناك نظامان لكتابة ال references .... و هما
النظام ال Alphabetical و النظام ال Numerical
أو النظام الهجائى .... و النظام العددى
نبدأ بالنظام الهجائى Alphabetical System
داخل الرساله .... هناك إحتمال من 3 .... معلش الأول هقول يعنى إيه reference
هو المرجع الذى أخذت منه مقطع و أضفته للرساله أو البروتوكول .... و ال reference غالباً ما يكون paper و كلمة paper تعنى مقاله أو بحث من مجله علميه (يعنى بحث فى مجله علميه بيتكلم عن موضوع معين) و لا تعنى ورقه واحده كما قد يتبادر إلى الذهن لأول وهله .....
إذن المراجع إما ورقة بحث paper أو كتاب .... هناك نوعان آخران و لكن أحدهما يستخدم بشكل محدود جداً و هو ما يعرف بال Quotation (و هنخليه للآخر خالص) .... و هناك نوع لا أنصح أبداً باللجوء إليه .... و هو ال
personal communication
ليه لا ينصح باللجوء إليه .... أولاً .... personal communication تعنى إن فيه شخص مميز جداً و يشار إليه بالبنان فى موضوع معين ... و هذا الشخص من الرواد فى هذا المجال ... و قالك المعلومه بنفسه (دى طبعاً مش ممكنه ... و لو ممكنه دى ممكن تستفز الممتحنين جداً ... لأنهم طبعاً فى نفس المجال ... يعنى ممكن يسيب كل حاجه و يمسكلك فى المعلومه اللى انت جايبها بال personal communication لحد م تقول حقى برقبتى و تقر و تعترف إن المعلومه غلط و إنك لازم تغيرها ... ده إذا م وافقلك على الرساله أساساً ) بس ده طبعاً لو قراها (ممكن جداً م ياخدش باله .... بس لو واحد م خدش باله فيه على الأقل إثنين تانيين قاعدين فى لجنة الإجازه أو ما يعرف بلجنة الممتحنين)
ما علينا .....
لو كان ال reference ورقة بحث paper إزاى تكتبه جوه الرساله ... يعنى ورا المقطع بتاعه .... إذا كان اللى عامل الورقه البحثيه دى شخص واحد هتكتب لقبه و comma و السنه اللى تم نشر البحث فيها طبعاً الكلام ده بين قوسين و يفضل أن يكون Bold +Italic و حكاية بين قوسين و إن الفونت سميك و مائل هتطبق فى الحالتين القادمتين أيضاً
مثال (Guyton, 1991)
ملحوظه: أنا كاتبها بين قوسين و بخط سميك و مائل ... علشان ساعات لما برفع اللى كاتبه بلاقيه بصوره مختلفه

إذا كانو شخصين يبقى هتكتب لقب الأول و لقب الثانى و comma و بعدين السنه
مثال : (Ganong and Guyton, 1991)

لو كانو أكتر من إثنين بتكتب لقب أول واحد و بعده بتحط comma اللى عليها نقطه (م أعرفش إسمها إيه) و بعدين تكتب et al و بعدها نقطه ثم comma و بعدين تكتب السنه
مثال : (Guyton; et al., 1991)

طيب لو كان ال reference اللى كاتب منه فصل فى كتاب ... و الفصل ده كاتبه واحد من ال authors الرئيسيين بتوع الكتاب ... زى م بنشوف فى المراجع الكبيره .. تكتب مين؟؟؟؟ طبعاً هتكتب لقب اللى كاتب الفصل ... مش مؤلف الكتاب ... و بتفس الطريقه اللى فاتت (يعنى لو واحد و لا إثنين و الا أكثر مشتركين فى كتابة فصل من الكتاب هتكتبه بنفس إسلوب ال paper بالضبط) .... و بالنسبه للسنه هتكتب سنة نشر الكتاب
طيب لو personal communication (و الذى أنصحك بالإبتعاد عنه تماماً) بس علشان تعرفو برضه ..... هنا بتكتب لقب الشخص – العلم – اللى جبت منه المعلومه و السنه اللى قالك على المعلومه دى فيها
بالنسبه لل Quotation .... يعنى إيه الأول .... دى معناها إن سيادتك أخدت المعلومه اللى انت كاتبها من مرجع متكوب فى المرجع أو الكتاب اللى عندك ... و هنا هتكتب اللقب و السنه بتاع ال paper الأصليه مش اللى معاك .... أمال ال Quotation يتكتب فين .... يتكتب ورا فى References Chapter ... عموماً يا جماعه إستخدام ال Quotation بيبقى فى أضيق الحدود و يعنى لو سمحلك فى الرساله ب 2 أو 3 يبقى كويس جداً .... و بعدين خلينا نتكلم بصراحه ... م كله بيكتب ال references اللى مكتوبه وار ال paper .... طيب إمتى أكتب Quotation لما تبقى paper من غير العقول إنك تكون جبتها .... يعنى مثلاً و انت بتكتب عن history بتاع حاجه و المرجع بتاع الجزء ده مثلاً سنة 1901 .... ساعتها ممكن حد من الممتحنين أو حتى المشرفين بتوعك يكلكعلك الدنيا و م يرضاش يمضى الا لما تجيب له ال paper الأصليه .... ممكن جداً تفادى نقطة ال Quotation خالص بإنك تكتب المرجع اللى عندك فعلاً و خلاص

طيب إزاى نكتب المراجع بره (يعنى فى References Chapter )
لو كان مرجعك ورقة بحث هيكتب كالآتى :
Author or Authors: Title
Journal, year; Journal Volume: from page-to page.

فيه طريقه أفضلها و هى
Author or Authors:
Title
Journal, year; Journal Volume: from page-to page.
فيه طريقه (أنا شخصياً لا أحبذها) ... و هى
Author or Authors (year): Title
Journal, Journal Volume: from page-to page.

و يا جماعه كلهم صح بس هى تفضيلات شخيصه ... و ترجع طبعاً (لما يفضله المشرف الرئيسى)

[URL=http://www.hotagri.com][/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: رد: ازاى تكتب بروتوكول رسالة ماجستير   السبت سبتمبر 25 2010, 06:09

هديلكم مثال على ما سبق :
الرابط التالى فيه paper من ال
The New England Journal of Medicine


أنا إخترت الجرنال ده بالذات علشان بيدى أوراق بحثيه كامله ... فى مصر ... و سمعت إنه مش كده فى الدول (مدى صحة المعلومع دى إيه .. الله أعلم)
ما علينا ... المهم إنها paper كامله

المهم الموضوع ده إيه و مين اللى عاملينه و العدد و سنة كام هكتب ده هنا بنظام ال
Copy and Paste

Volume 352:865-874
March 3, 2005

Number 9


U.K. Controlled Trial of Intrapleural Streptokinase for Pleural Infection
Nicholas A. Maskell, M.R.C.P., Christopher W.H. Davies, M.D., Andrew J. Nunn, M.Sc., Emma L. Hedley, Fergus V. Gleeson, F.R.C.P., Robert Miller, F.R.C.P., Rhian Gabe, M.Phil., Glyn L. Rees, Timothy E.A. Peto, F.R.C.P., Mark A. Woodhead, F.R.C.P., Donald J. Lane, F.R.C.P., Janet H. Darbyshire, M.B., Ch.B., Robert J.O. Davies, D.M., for the First Multicenter Intrapleural Sepsis Trial (MIST1) Group


طبعاً هنبدأ بال Authors
هنكتب لقب كل واحد و أول حرف من إسمه و أول من إسم أبوه ثم comma ثم اللى بعد بنفس الطريقه ثم اللى بعده ... لحد قبل الأخير هنحط بينه و بين الأخير and و مش هيبقى وراهم comma
ثم : .... لاحظ إننا مش هنكتب درجاتهم العلميه .... و هنا م ينفعش تحط و آخرين اللى هى et al ... لازم تكتبهم كلهم (غير جوه الرساله)

هنكتبهم كالآتى
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and Davies JO:
و بعدين هنكتب ال title زى م هو بس هنحط فى الآخر نقطه .... يعنى
U.K. Controlled Trial of Intrapleural Streptokinase for Pleural Infection.
و بصراحه أنا بفضل إن ال title يبدأ من سطر لوحده ... بس ممكن تكمله على السطر اللى قبله

و بعدين هنكتب إسم الجرنال و سنته ... و العدد و الصفحات و نقطه كالآتى
NEJM, 2005; 352:865-874.

و يبقى الشكل النهائى هو
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and Davies JO:
U.K. Controlled Trial of Intrapleural Streptokinase for Pleural Infection.
NEJM, 2005; 352:865-874.
و ممكن تدلع الشغل بالطريقه اللى انت عايزها (إبسط يا عم ممكن تعمل حاجه من نفسك) بس الدلع يبقى للجزئيه كلها ... يعنى إيه تدلعه ... يعنى ممكن تخلى جزئيه Italic أو Bold
يعنى مثلاً كده
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and Davies JO:
U.K. Controlled Trial of Intrapleural Streptokinase for Pleural Infection.
NEJM, 2005; 352:865- 874 بالنسبه لإسم الجرنال اللى انت جايب منه الورقه البحثيه ... ممكن يكتب مختصر أو يكتب كامل ... بس لو كتبته مختصر لازم طبعاً سعادتك تبقى عارف ده إختصا إيه لأنك ممكن تتسأل
إيه يا إبنى ال NEJM اللى إنت كاتبه ده .... لازم طبعاً ترد زى الفريره
ده يا أفندم
ال New England Journal of Medicine
إوعى تكتب إختصار لحاجه مش عارفها
و الإختصار ممكن يبقى بأكتر من طريقه فمثلاً
N Engl J Med ينفع يبقى إختصار لل
New England Journal of Medicine
بس الصح لو هتكتبه بالطريقه التانيه إنك تحط نقطه ورا كل إختصار يعنى
N. Engl. J. Med.
و طبعاً يا ساده لا يفضل إنك تكتب إختصار لإسم جرنال مكون من كلمه واحده
مثلاً Chest أو Thorax
فيه بعض أعداد من المجلات بيبقى لها ملحق أو ملاحق Supplement
طيب لنفرض إن سيادتك واخد الورقه البحثيه من ملحق تكتب إيه ... بعد م تكتب عدد الجرنال هتكتب و بين قوسين حرف S و تكتب Capital مثال
لو فى المثال السابق بتاعنا بتاع ال NEJM إنت واخد الورقه البحثيه من الملحق تكتب
NEJM, 2005; 352(S):865-874.
ممكن يبقى فيه أكتر من ملحق لنفس العدد فى الحاله دى لازم تحدد رقم الملحق بالأرقام الرومانيه .... يعنى مثلاً فى مثالنا السابق هنفرض إنه الملحق رقم 2 للعدد ده .... نكتبها إزاى
NEJM, 2005; 352(S II):865-874.
و أيضاً يمكن كتابة حرف ال S بعد الصفحات
NEJM, 2005; 352:865-874(S).
NEJM, 2005; 352:865-874(S II).

نقطه تانيه ... لو م عندكش الورقه البحثيه بس عندك الملخص بتاعها اللى هو
ABSTRACT
تكتب كلمة Abstract بين قوسين بعد إسم الجرنال
مثال
NEJM(Abstract), 2005; 352:865-874.
و يمكن كتابته بين قوسين فى آخر ال title لكن الأفضل كتابته بعد إسم الجرنال

نقطه صغيره كمان ... فى عدد الصفحات ممكن تكتب الرقم التانى بشكل مختصر ... يعنى هتكتب (من - كامله) .... لكن (إلى - ممكن تختصرها لآخر رقم) إلا إذا العلامه العشريه إتغيرت يبقى هتكتب آخر رقمين
يعنى فى مثالنا السابق ... نفترض إن الورقه البحثيه بتاعتنا بتبدأ من صفحة 865 و تنتهى فى صفحة 869 ... ممكن تكتبها كامله أو
NEJM, 2005; 352:865-869.
طيب لو العلامه العشريه إتغيرت (زى م هو الحال فى المثال الأصلى بتاعنا) ... يبقى فى الحاله دى .... لو هتختصر لازم تكتب آخر رقمين
المثال
NEJM, 2005; 352:865-74.

المهم أعتقد كده غطينا - تقريباً- كيفية كتابة ال paper كمرجع .... و لو حد شايف إنى نسيت حاجه ياريت يضيفها ...

نيجى بقى .... لو كان المرجع بتاعنا كتاب .... (و طبعاً المقصود بكلمة كتاب هنا إنه يكون Textbook من المعروفين .... مش من كتب شرشر - على رأى الأساتذه – و طبعاً فى كل تخصص فيه كتب معروفه .... لكن ممكن الكتاب م يكونش مرجع كبير بس لازم فى الحاله دى يكون الكتاب بيتكلم عن جزئيه معينه) ....

نبدأ على بركة الله
طبعاً لما هتاخد مطع من كتاب .... سيادتك هتاخده من فصل من الكتاب ده ... و هذا الفصل كاتبه واحد أو إثنين .... أو أكتر من إثنين ... و كمان الكتاب ممكن يكون له مؤلف واحد أو إثنين أو أكتر من إثنين .....
نكتب المرجع فى الحاله دى بالطريقه التاليه
Authors of the Chapter: Title of the chapter. In: Editor(s) of the book (editor): Name of the book. Edition of the book, publisher (city – country of publisher); year of publication. Chapter number: pages of the chapter (p or pp from-to).
بيتهيألى كده الموضوع بقى سهل خالص .... مش كده و الا إيه
نفصص الكلام بقى
Authors of the Chapter اللى كاتب أو اللى كاتبين الفصل ده من الكتاب ... و يكتب بنفس طريقة كتابة ال authors اللى قلناها فى ال paper بالضبط ....
و طبعاً Title of the chapter عنوان الفصل اللى فى الكتاب
و بالنسبه ل Editor(s) of the book (editor)
هنا هتكتب إسم مؤلف الكتاب بنفس بنفس طريقة كتابة ال author يعنى هتكتب اللقب surname ثم أول حرف من إسمه ... و إسم اللى خلفوه (إن وجد) ... مع ملاحظة إنه لو كان واحد هيكتب بالطريقه اللى قلنا عليها و يكتب جنب إسمه و بين قوسين (editor) .... و لو إثنين هيكتب الأول و بعدين الثانى و طبعاً بينهم and و طبعاً هتزود s على editor يعنى (editors)
و لو أكتر من إتنين اللى مألفين الكتاب ... هتكتب إسم الأول بس و هتكتب جنبه و طبعاً بين قوسين (editor-in-chief)

و طبعاً فى Name of the book هتكتب إسم الكتاب
و برضه فى Edition of the book هتكتب طبعة الكتاب
كمان فى publisher (city – country of publisher) هتكتب إسم الشركه اللى طبعت الكتاب و نشرته و بين قوسين هتكتب إسم المدينه (إن وجد) و إسم الدوله اللى الشركه دى فيها

أما year of publication فدى طبعاً سنة النشر

ثم Chapter number: pages of the chapter (p or pp from-to)
هتكتب فيها رقم الفصل ثم رقم الصفحات ... بس كلمة chapter إما تكتب كامله أو يمكن إختصارها إلى Ch. ... و كلمة pages تكتب p أو pp

فمثلاً لو الجزء اللى أخذته كان فى الفص السابع .... اللى صفحاته بتبدأ من 350 إلى صفحة 380 يبقى سيادتك هتكتبها بالشكل الآتى
Ch.7:p350-380.
و طبعاً إختصار الرقم الثانى من الصفحات ممكن بنفس طريقة الورقه البحثيه.

نيجى لموضوع ال Quotation
و زى م قلت قبل كده .... ده هنستخدمه بحساب قوى ....

وهنا طبعاً بالنسبه لكتابه جوه الرساله مفيش أى مشكله هتكتب إسم ال author اللى موجود فى مراجع ال paper اللى معاك و نفس الحال بالنسبه للسنه ....
لكن لما هتكتبه بره (فى ال references )
برضه هتكتب إسم ال author أو ال authors اللى موجود فى مراجع ال paper اللى معاك (بالطريقه اللى انت عارفها) .... و السنه
و بعدين فى السطر اللى تحت الكلام ده هتكتب
Quoted from:
و تكتب كل بيانات ال paper اللى معاك بالطريقه اللى قلنا عليها قبل كده عادى خالص.

و بكده يبقى تقريباً غطينا معظم جوانب الطريقه ال Alphabetical
بس فيه حته صغيره خالص ... بالنسبه كتابة ال References فى ال chapter بتاعه هترتب المراجع تبعاً للترتيب الأبجدى للحروف الأولى من الألقاب surnames ..... يعنى إيه .... فلنفرض مثلاً عندك فى البروتوكول بتاعك 10 مراجع .... بتكتب كل واحد بالطريقه اللى قلنا عليها جوه و بره .... و تكتبهم بره تبعاً للترتيب الأبجدى ABCD …. Etc.

فيه ثلاثه مراجع .... المرجع الأول مثلاً عندك جوه البروتوكول
نفرض إنه Henry هو .... و المرجع التانى Adam و المرجع الثالث Samy
تكتبهم فى الفصل بتاع المراجع إزاى



A
Adam

Ahmed

H
Hany
Henry

S
Samy
Soliman

و طبعاً يا جماعه بديهى إنك هتكتب الناس اللى تحت الحرف الواحد برضه بالترتيب الأبجدى ..... يعنى تحت حرف ال H مثلاً ... Hany تبقى قبل Henry

و هكذا ........
عرفنا لحد دلوقتى .... إزاى هنكتب المراجع بالنظام ال Alphabetical .. جوه و بره ....
النظام التانى و هو ال Numerical أو النظام العددى ... و ده شرحه هيبقى سهل جداً و خفيف – إن شاء الله –
فى هذا النظام ... لا يوجد أى فرق فى كتابة المراجع بين البروتوكول و الرساله نفسها ....
فى النظام العددى هنكتب المراجع بالترتيب (ترتيب عرض المراجع) ....
فى داخل البروتوكول أو الرساله هتكتب الأرقام بالترتيب التصاعدى و كل رقم هيبقى موضوع بين قوسين و بخط سميك Bold
و بعدين بعد م تكتب الرقم و هو بين القوسين و تجعله Bold و ده طبعاً هيبقى بعد النقطه اللى فى آخر القطعه اللى الرقم ده بيمثل رقم المرجع بتاعها ...
تظلل الرقم و القوسين و تضغط على Format اللى فى القائمه العلويه بتاع برنامج الكتابه Word ... بعد م تفتح قائمة format تضغط على Font ... و اللى فيها هتلاقى على إيدك الشمال حاجه إسمها Effects تختار منها superscript و تضغط على ok .... هتلاقى الرقم بتاع المرجع بقى فى أعلى الكلام ... و بكده مبروك كتبت المرجع بالطريقه العدديه جوه الرساله أو البروتوكول
طيب هنكتبهم إزاى بقى فى الفصل بتاع المراجع .... هنكتبهم بالترتيب الرقمى اللى موجود داخل الرساله أو البروتوكول ..... بغض النظر عن ترتيب الحروف ... بمعنى ..... لنفرض إن عندك فى البروتوكول 10 مراجع .... رقم 1 هو Henry و رقم 2 هو Adam و قم 3 هو Basem و رقم 4 هو Amin هترتبهم إزاى فى الفصل بتاع المراجع
1- Henry
2- Adam
3- Basem
4- Amin
سهله على م أظن مش كده؟؟؟؟؟
المهم طريقة كتابة المرجع بره (يعنى فى الفصل بتاع المراجع) .... هى نفس طريقة كتابتها فى النظام ال Alphabetical اللى قلنا عليه قبل كده .... يعنى إذا كانت paper هيبقى نظامها زى م الطريقه ال Alphabetical
اللى هو
Author or Authors:
Title
Journal, year; Journal Volume: from page-to page.

و المرجع المأخوذ من كتاب يكتب أيضاً بنفس طريقة الكتاب فى ال Alphabetical
كذللك الحال فى ال Quotation و ال Personal Communication

و بكده نكون خلصنا من قصة ال References سواء كان فى البروتوكول أو الرساله ..... و مش هتكلم عنها تانى فى الرساله

[URL=http://www.hotagri.com][/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: رد: ازاى تكتب بروتوكول رسالة ماجستير   السبت سبتمبر 25 2010, 06:15

3. السلام عليكم و رحمة الله و بركاته
زملائى الأعزاء ......
هنتكلم عن كيفية كتابة ال Introduction بالنسبه للبروتوكول .... و كيف تكتب Literature Reviewأو Review of the Literature بالنسبه للرساله ...... و طبعاً بالنسبه لرسائل الماجستير اللى بنظام ال Essay .... ف مفيش حاجه إسمها Review of the Literature لأن الرساله كلها عباره عن Review و بالتالى .... فال Review of the Literature هو كل الرساله بالنسبه لل Essay لكن لن تكتب فصل بعنوان Review of the Literature ... هل النقطه دى مفهومه ؟؟؟؟ أعتقد مفهومه ... و اللى عنده إستفسار يسأل
بالنسبه لل Introduction أو ال Review .....
حجم الكتابه ..... يفضل من 14 (بحد أدنى) إلى 16 (كحد أقصى)
فونت الكتابه .... كله ينفع .... مع الأفضليه لل Times New Roman
كل جمله .... أو مقطع .... أو جزئيه ..... أو صوره .... أو جدول .... لازم و لابد و حتماً .... تكتب وراه إسم المرجع اللى سعادتك أخدت منه هذه الجزئيه ... سواء طبعاً كان باطريقه ال Alphabetical أو اللى Numerical و اللى عادةً بتبقى تبع نظام القسم أو الطريقه اللى بيفضلها المشرف الكبير .... على الرساله ... (و طبعاً هيبقى النظام واحد من الإثنين .... و لا يمكن أن يكون النظامان معاً فى نفس الرساله)
و طريقة أخذ جمله أو مقطع من مرجع و وضعه فى الرساله .... إما أن يكون بنفس نص المرجع بدون أى تغيير فى نصه .... أو بالإقتباس أو ما يعرف بال Citation و فى حالة الإقتباس فيمكنك تغيير الكلمات بالطريقه التى تراها مناسبه و لكن لابد و حتماً أن تكون بنفس معنى النص الأصلى .... بدون أى لبس أو مواربه
و طبعاً سيادتك هتلجأ للطريقتين مع بعض ..... و مهارتك الأساسيه هنا .... إن ربط الجمل و المقاطع المختلفه من المراجع المختلفه .... تكون متجانسه مع بعضها و مكمله لبعضها البعض ..... و أن تجيد عملية ال Articulation بين الجمل و المقاطع المختلفه .... مع إجادة إستخدام أدوات الربط و حروف العطف بمهاره ... زى and , while , which , as , ….. etc
أعتقد الكلام كده سهل .... طيب بالنسبه للبروتوكول .... المطلوب من سيادتك كتابة Introduction فى حدود (من صفحتين إلى ثلاث صفحات) .... و عادةً ما تكون من صفحه و نص إلى صفحتان .... تغطى فيها الخطوط العريضه للموضوع ... تمام كده .....
طيب تبدأ منين أو إزاى ..... طبعاً المدخل مهم .... و قد يكون هو أصعب جزء .... لكن الموضوع بسيط جداً ....
دائماً إبدأ بحاجه من اللى هقولك عليها
إما Definition .... أو جزء Anatomy أو Physiology .... أو بجزء History ... و طبعاً هتختار حاجه من اللى قلت عليهم دول أو غيرهم (دول اللى فى دماغى دلوقتى) ... على حسب موضوعك ..... و ده هيبقى مدخلك للموضوع .... بحيث هتكتب فيه جزئيه أو إثنين ... و أستثنائياً ثلاثه .... لو كنت هتستخدم أكتر من حاجه من اللى قلتهم ... بس كلام فيه المختصر المفيد
و إن كان موضع فيه أكتر من حاجه ممكن تبأ بيها ... فلك الخيار ...
بعد كده هتدخل فى صلب موضوع رسالتك .... و هتحط فيه من 3 – 5 مقاطع (عادةً) .... يعنى مثلاً لو بتتكلم عن مرض معين يبقى هتتكلم عن أعراضه (الإكلينيكيه) و طريقة تشخيصه (إيه الأبحاث المهمه فى الموضوع ده)
و بعدين أكيد موضوعك على جزئيه معينه .... هتلقى عليها الضوء .... فى 3-4 أجزاء أخرى .... و أخيره
ماشى يا جماعه ..... و طبعاً الكلام ده مش قرءان .... يعنى ممكن يبقى مختلف من موضوع للتانى .... بس دى الخطوط العريضه من وجهة نظرى
و بكده مبروك عليك ال Introduction
الفن فى ال Introduction إنه على الرغم من إختلاف مصادرك إلا إن اللى يقراه يلاقيه مكمل بعضه بتناسق و تكامل .... و بدون م يحس إن تعدد المصادر فارق فى الكتابه
ملحوظه هامه جداً : إنت م بتكتبش إن ده Definition أو دى حتة Anatomy و الا دى History .... لأ طبعاً .... كل ال Introduction بتبقى قطعه واحده على بعضها بدون م تكتب أمام كل جزئيه .... هى دى إيه
ال Introduction الهدف منها إيه ؟؟؟؟
الهدف إن لوفيه دكتور .... فى غير تخصصك .... مسك ال Introduction و قراها .... ياخد فكره عن الموضوزملائى الأعزاء
بالنسبه للبروتوكول فى ال Essay فكده خلصناه تقريباً بالإنجليزى ... و باقى فيه جزء صغير جداً و هو
AIM OF THE WORK
و ده جزء صغير فى كتابته فسوف نذكره مع نفس الجزء فى حالة ال Thesis ... أما المراجع فأظن أنها أخذت حقها و زياده
وصلنا فى كتابة البروتوكول بالنسبه لل Thesis إلى
MATERIALS AND METHODS
و بما إن ال Material بتاعنا فى الطب هو المريض ..... فيمكننا كتابتها
PATIENTS AND METHODS
و هو مايعرف إجمالاً بال Methodology
هنا يا جماعه أحب أقول إن كل كلمه هتتكتب فى البروتوكول ستكون ملزمه لك أثناء شغلك فى الرساله ....
هتبدأ هذه الجزئيه بذكر عدد الحالات اللى سيادتك هتشتغلها ... و إذا كانو مجموعه واحده و الا هتقسمهم لمجموعتين (زى م فى حالات ال comparative studies )
و إذا كانو من جنس معين أو فئه عمريه معينه .... مع ذكر ما سوف تقوم سياتك بدراسته عليهم (بالتفصيل الممل فى هذه الجزئيه بالذات ) ....
مع ذكر التحاليل و الإشاعات أو أى أبحاث أخرى ستجرى لهؤلاء المرضى .... و الفتره التى سيتم فيها عمل هذه الأبحاث و هل ستتم مره واحده أم أكثر .... و إذا كان ما سوف يتم عمله للمريض عمليه معينه .... فيجب عليك ذكر أبحاث ما قبل العمليه ... و طريقة متابعة المريض أثناء العمليه .... و التخدير و أدويته .... و طريقة التخدير .... ثم بإستفاضه كامله خطوات العمليه بدايةً من التعقيم و إنتهاءاً بخياطة الجرح ثم نسبة الوفيات أثناء العمليه ..... ثم أحداث ما بعد العمليه التى ستتابعها ..... و نسبة العجز (إن وجد بسبب العمليه ) .... أقصد هنا ال Morbidity ... (و لا أعرف إن كانت ترجمتى لها صحيحه أم لا) .... ثم نسبة الوفيات فى Postoperative period ......
و إذا كنت ستعمل على جهاز معين .... فيجب ذكر نوع الجهاز و مواصفاته .... و بلد صنعه .....و إستراتيجية إستخدامه على المريض ...... إلخ.
أيضاً إذا كنت ستعمل على kits معينه فيجب ذكر تفاصيها .....
و إذا كانت دراستك (دراسه مقارنه comparative study) فطبعاً ... من أهم النقاط التى ستتكلم عنها و بإستفاضه .... هى النقاط التى ستقارن بينها فى المجموعتين
ثم ما هى ال Inclusion criteria و هى مواصفات الحالات التى ستعمل عليها و ماهى ال Exclusion criteria التى بسببها تستبعد بعض الحالات و المصابه مثلاً بنفس المرض الذى تجرى عليه الدراسه .... و لكنك سوف تستبعدها أو تستثنيها من دراستك أو بحثك .... بسبب وجود أحد ال Exclusion criteria
.... و عادةً ما يبدأ ال Materials and Methods .... بالجملة الشهيره
This study (or thesis) includes
و تكتب عدد الحالات ...... و إذا كانو مجموعتين two groups of patients ... و تبدأ بكتابة ما سبق ذكره ....
أنا بس أضع إفتتاحيه أقترحها .... لأنى عارف إن دايماً أصعب شئ هو البدايه



[URL=http://www.hotagri.com][/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: رد: ازاى تكتب بروتوكول رسالة ماجستير   السبت سبتمبر 25 2010, 06:20

بقى شئ كنت قد نسيت التنويه عنه فى ال Methodology و هو مكان أو أماكن عمل البحث (يعنى هتاخد حالاتك منين و هتشتغل عليها فين) .... و دى طبعاً نقطه مهمه لابد إيضاحها فى البروتوكول
و نصيحتى لك إنك م تزنقش نفسك فى مكان واحد (ده طبعاً لو كبير المشرفين سمحلك إن شغلك يبقى فى أكثر من مكان .... و إذا لم يفرض عليك أخذ الحالات اللى هيعملها بنفسه)
و دلوقتى نبقى وصلنا إلى آخر جزئيه فى كيفية كتابة البروتوكول بالإنجليزى و هى
Aim of the work
و هذه جزئيه بسيطه .... ممكن تبدئها بطريقتين .....
إما إنك تدخل مباشرةً فى ال aim of the work ... بإنك تكتب ...
The aim of this study is to ……..
و طبعاً هتتكلم بإيجاز شديد عن موضوع رسالتك و الهدف منه .....
أو ممكن تبدأ بجملتين أو ثلاثه تستعرض فيهم موضوعك بإيجاز شديد ... مثلاً لو فى رسالتك بتتكلم عن جهاز جديد أو تقنيه جديده أو عمليه جديده (طبعاً نسبياً) ...
أمثله .... مثلاً لو بتتكلم عن جهاز جديد انت هتشتغل عليه ممكن تبدأ ب...
The revival of the use of the ……. has offered…..
و لو بتتكلم عن عمليه جديده انت بتقارنها بعمليات تانيه لنفس المرض ممكن تبدأ ب ...
…. offers an alternative surgical approach to …
و طبعاً مكان النقط اللى فى الأول هتحط إسم العمليه الجديده و فى مكان النقط الثانيه هتحط إسم المرض الذى يعالج بهذه العمليه
... ثم تنهى بعد كده بثلاث أو أربع جمل هتبدأهم برضه ب .....
The aim of this study (or work) is to ……..

طيب اللى فات ده كان بالنسبه لل Aim of the work (or Thesis)
فى حالة م تكون رسالتك Thesis ......
طيب لو كانت رسالتك ماجستير و Essay ..... تكتب ال aim of the work إزاى؟؟؟؟؟
طبعاً هنا الموضوع أسهل بكتير .... و شبه Standard ......
يعنى ممكن تبدأ ب
The aim of this work (or essay) is to through some lights on …..
and to explore the new techniques (or approaches or uses or …etc)
و طبعاً كل واحد هيختار ما يتناسب مع موضوع رسالته من الجمل اللى بين القوسين ... و طبعاً مفيش فى جزئية ال aim of the work أى مراجع و لا حاجه ..... و دى غالباً بتبقى فى حوالى نص صفحه أو أقل
و بكده نيقى حلصنا البروتو كول الإنجليزى ..... و طبعاً بالنسبه للمراجع فأعتقد إننا إتكلمنا عنها بما فيه الكفايه ......
نيجى بقى للملخص العربى
و ده بيشمل .... الغلاف العربى .... و المقدمه ..... و الهدف من الرساله .... ده بالنسبه لل Essay
أما بالنسبه لل Thesis فيشمل
الغلاف العربى .... و المقدمه .... و المريض و الطريقه (أو المرضى و الطرق) ... و الهدف من الرساله
و لاتكتب المراجع .... لا داخل الرساله و لا فصل مستقل
بالنسبه للعلاف العربى فقد تم الحديث عنه سابقاً .......
بالنسبه للمقدمه .... فتكتب فيها ملخص ما كتبته فى ال Introduction الإنجليزى بعد ترجمته .... ترجمه مترابطه عربياً و ليس ترجمه حرفيه .... بشرط أن لا تخل بما يحويه ال Introduction الإنجليزى من معانى .... و غالباً ما يتمون من صفحه إلى صفحه و نصف ....
هناك من يشترط ترجمة كل ال Introduction الإنجليزى .... ترجمه شبه حرفيه مع عدم الإخلال بترابط و تناسق الكلام باللغه العربيه (الدراسات العليا فى عين شمس هو ده نظامها ..... أو كان هو ده نظامها و أعتقد إنه لسه بالطريقه دى) ....
بالنسبه لل المرضى و الطرق أو المريض و الطريقه ....
دى هتترجم كلها للعربيه ..... لأن ده هيبقى شغلك اللى هتعمله فى الرساله .... و طبعاً ترجمتك مش هتبقى حرفيه .... لكن كل ما كتب بالإنجليزى سوف يترجم إلى العربيه
بالنسبه للهدف من الرساله ..... هتترجم ما كتبته فى ال aim of the work .... ترجمه شبه حرفيه .... لكن طبعاً مع عدم الإخلال بترابط و تناسق الكلام باللغه العربيه

و بكده يا جماعه يبقى الحمدلله خلصنا البروتوكول ............ و عقبال م نخلص الرساله – إن شاء الله –
و أتمنى من الله أن أكون وفقت فى تبسيط كيفية كتابة البروتوكول ..... و مره تانيه و تالته و ...... عاشره يا جماعه .... لابد من مراجعة ما قلته هنا مع مشرفك الكبير أولاً .... و إذا إقترح عليك حاجه غير اللى أنا قايلها هنا ..... طبعاً هتنفذ كلامه هو ..
و السلام عليكم و رحمة الله و بركاته

بالمناسبه يا جماعه بالنسبه لطرقة كتابة ال Thesis فى الماجستير أو الدكتوراه ....... واحده
اللى بيفرق .... إن غالباً موضوع الدكتوراه بيبقى أصعب و عدد الحالات أكتر ......
و طبعاً ده برضع بيعتمد على حاجات تانيه ..... زى مثلاً انت جوانى و لا برانى ..... مرضى عنك و الا من المغضوب عليهم .... و أكيد انتو فاهمنى

أعتذر و بشده يا جماعه
فيه نقطه مهمه جداً جداً ..... و نسيت أقولكم عليها فى البروتوكول ..... و لابد من ذكرها فى أول ال Patients and Methods ..... طبعاً فى رسائل ال Thesis
و دى هتتكتب فى أول جمله فى ال Patients and Methods .....
إيه هى الكلمه دى؟؟؟؟
لازم تحدد إن الشغل اللى فى الرساله هل هو
Prospective study و الا Retrospective study
يعنى أول جمله هتتكتب فى ال Patients and Methods هى........
This is a prospective study ……….
أو
This is a retrospective study …….
طيب يعنى إيه كل واحد منهم و إيه الفرق ما بينهم ؟؟؟؟؟؟؟؟؟؟
بالنسبه لل Prospective study .... يعنى سيادتك هتشتغل على حالات أو جهاز أو الإثنين معاً ... أو على مرض معين ..... أو عمليه معينه .... و بعدين المفروض إنك هتطلع من الشغل ده بنتائج .... و هيتعمل إحصاء للنتائج اللى هتطلع دى ....

بينما فى ال Retrospective study ..... سيادتك مش هتشتغل حالات و لا حاجه ... لكن هتجمع معلومات عن حالات إتعملت خلاص و تشوف النقطه اللى رسالتك بتتكلم عليها .... و تعمل إحصاء عن الحالات دى فى النقطه اللى رسالتك بتدور حولها ..... يعنى من الآخر .... بترجع للوراء مش بتطلع لقدام

طيب إيه الفرق؟؟
طبعاً ال Retrospective study أسهل بكتير .... لا مش بس كده ... دى الرساله تعتبر خلصانه من قبل م تبدأ .... خصوصاً لو كان القسم اللى هتشتغل فيه أو تاخد منه الحالات بتاعتك مسجل بيانات المرضى على الكمبيوتر .... يعنى من الآخر الرساله بتبقى عباره عن إحصاء فقط
بينما فى Prospective study هتشتغل حالات .... و بعدين تعمل الإحصاء برضه

و زى م قلتلكم يا جماعه قبل كده .....
بالنسبه للإحصاء ف غالباً بتدى الماستر شيت بتاعك لحد من بتوع الإحصاء أو من دكاترة الصحه العامه ... و هم بيقوموا بالمهمه الصعبه دى

[URL=http://www.hotagri.com][/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د.رشا
مشرفة قصر فن الطهى


انثى
عدد المساهمات: 146
نقاط: 214
السٌّمعَة: 12
تاريخ التسجيل: 16/09/2010
العمل/الترفيه: طبيبة نساء وتوليد
المزاج: تماااااام تيل ناو

مُساهمةموضوع: رد: ازاى تكتب بروتوكول رسالة ماجستير   الثلاثاء أكتوبر 19 2010, 11:48

تسلمي يا نسرين عالموضوع الراااااااااائع و الحساس
ربنا يسهل علينا ونخلص من الرسايل دي
قبل ما تخلص علينا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د نسرين
الادارة


انثى
الاسد الكلب
عدد المساهمات: 296
نقاط: 563
السٌّمعَة: 21
تاريخ الميلاد: 20/08/1982
تاريخ التسجيل: 13/09/2010
العمر: 31
العمل/الترفيه: طبيبة وعضوة فى أوريفليم

مُساهمةموضوع: رد: ازاى تكتب بروتوكول رسالة ماجستير   الجمعة أكتوبر 22 2010, 02:37

ان شاء الله يا د:رشا يارب نخلص بقى

[URL=http://www.hotagri.com][/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

ازاى تكتب بروتوكول رسالة ماجستير

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ملكة القصر ::  :: -