منتدى ملكة القصر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى ملكة القصر

يسر ادارة المنتدى الاشتراك فى اوريفليم تحت كود231066 او 231391
 
الرئيسيةالبوابةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» وصفات هايلة لتكثيف وتنعيم الشعر
تربية الطفل بين الصواب والخطأ Icon_minitimeالسبت مارس 26 2011, 02:02 من طرف د نسرين

» :: طموحة بذاتي .. استثنائية في حياتي ::
تربية الطفل بين الصواب والخطأ Icon_minitimeالجمعة فبراير 18 2011, 05:59 من طرف د نسرين

» مصر فوق الجميع
تربية الطفل بين الصواب والخطأ Icon_minitimeالسبت فبراير 05 2011, 01:12 من طرف sarora

» :: فضفض مع الصور ::
تربية الطفل بين الصواب والخطأ Icon_minitimeالخميس فبراير 03 2011, 05:12 من طرف sarora

»  لا تتسرع فى حكمك عمن حولك
تربية الطفل بين الصواب والخطأ Icon_minitimeالسبت يناير 22 2011, 03:58 من طرف د نسرين

» رواية (أنت لى) الرومانسية الرائعة
تربية الطفل بين الصواب والخطأ Icon_minitimeالسبت يناير 22 2011, 03:54 من طرف د نسرين

» هل صمت المراه يزيد من جاذبيتها
تربية الطفل بين الصواب والخطأ Icon_minitimeالثلاثاء يناير 18 2011, 21:17 من طرف samar

» من نوادر جحا
تربية الطفل بين الصواب والخطأ Icon_minitimeالثلاثاء يناير 18 2011, 18:33 من طرف د.نشوى عبدالفتاح

» Holiday French Tip Nails
تربية الطفل بين الصواب والخطأ Icon_minitimeالثلاثاء يناير 18 2011, 01:26 من طرف sara smsma

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
أفضل 10 أعضاء في هذا المنتدى
د نسرين
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
sarora
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
د.رشا
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
samar
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
sara smsma
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
ليالي
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
د.نشوى عبدالفتاح
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
الورد الجوري
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
اسيرة الذكريات
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
dr.samar
تربية الطفل بين الصواب والخطأ Vote_rcapتربية الطفل بين الصواب والخطأ Voting_barتربية الطفل بين الصواب والخطأ Vote_lcap1 
تصويت

 

 تربية الطفل بين الصواب والخطأ

اذهب الى الأسفل 
2 مشترك
كاتب الموضوعرسالة
د.رشا
مشرفة قصر فن الطهى
د.رشا


انثى
عدد المساهمات : 146
نقاط : 214
السٌّمعَة : 12
تاريخ التسجيل : 16/09/2010
العمل/الترفيه : طبيبة نساء وتوليد
المزاج : تماااااام تيل ناو

تربية الطفل بين الصواب والخطأ Empty
مُساهمةموضوع: تربية الطفل بين الصواب والخطأ   تربية الطفل بين الصواب والخطأ Icon_minitimeالإثنين ديسمبر 20 2010, 10:49

تربية الاطفااااااال أأأأه من هذا الهم الثقيل الملقى على عاتقنا
حبيباتي قرأت لكم هذا الموضوع فأحببت ان انقله لكم كي نستفيد
جميعا ....اللهم بارك لنا في ابنئنا وانبتهم نباتا حسنا
واجعلهم من عبادك الصالحين ......آمين
ونبدأ معا :



الصراخ
:طبعا
الحمد لله معظم الأمهات بتصرخ فى وش أطفالها لما بيعملو حاجه غلط أو
تفاجأأنهم عملوا مصييييييييييييييييييبه من وجهة نظرها طبعا .تربية الطفل بين الصواب والخطأ 117تربية الطفل بين الصواب والخطأ 117بس الصراخ من وجهة نظر العلم أضراره 7
أضعاف الضرب ويؤدى الى قطع العلاقه بينك وبين طفلك ,ولما يكبر كل اللى
هيبقى فكره أن الست دى طول عمرها بتصوت مش هيفتكر أى حاجه حلوه أنتى
عملتيها معاه ,وعلى فكره الطفل مش بيقدر يفهم أنك صوتى في وشه لأنه مثلا
لعب فى المياه وغرق نفسه لالالالالالالالالالالالالالا لأنك بصريخك ده
جعلتيه ينتبهلك أنتى بتصرخى ليه .


2)التأنيب واللوم :يعنى
مثلا :بنتك تجيب فى الأمتحان 7من 10 وهي من نفسها قالت انها الأمتحان
الجاي هتجيب 10من 10 وذكرت بس جابت 9من 10 وفرحت أوي وجت تفرحك أنتى
وباباها قولتولها تربية الطفل بين الصواب والخطأ Mood3وفين بقي الواحد اللى ناقص ده مقدرتيش تجيبي 10 من10 ,تربية الطفل بين الصواب والخطأ Mood15وطبعا البنت جلها أحباط وقالت أنا مش هذاكر الناس دى مش عجبهم حاجه كله محصل بعضه .أنتى عملتى مع بنتك نفس اللى بيعمله معاكى جوزك تربية الطفل بين الصواب والخطأ Mood25لما تكونى تعبانه طول النهار فى الشقه ويجي يقولك بزعيق تربية الطفل بين الصواب والخطأ Mood8الفوطه دى مش مكانها ليه ,وأنتى طبعا هيجيلك أحباط وتقولى أنت مش شايف كل حاجه حلوه أنا عملتها وجيت على دى وشوفتها تربية الطفل بين الصواب والخطأ Mood19لازم نراعى الفروق الفرديه بين الأطفال ومتقعديش تأنبى طفلك كل شويه (أنت
مكسبتش فى المسابقه دى ليه وهو يعنى اللى كسب أحسن منك فى أيه
لالالالالالالالالالالالا قوليله معلشي أنت عملت اللى عليك وأنت كويس
والمره اللى جايه أن شاء اللله تكسب وتكون أنت الأول ولا يهمك ).
أحنا نفسنا ياكبار في فروق فرديه بينا ,مثلا في واحده بتعمل
أشغال يدويه حلوه أوى ووأحده تانيه متعرفشي لكن بتعمل حلويات تحفه وواحده
تانيه متعرفشي ,مش معني كده أن اللى متعرفشي تعمل أشغال يدويه مش شاطره
لالالالالالالالالالالا هي شاطره بس فى حاجه تانيه ,حاولى تشوفي ميول طفلك والمميزات اللى فيه وتنميها وتتوسعي في هذه الميول . وثبت علميا ؟أن الطفل اللى علطول بقول حاضر ونعم طفل مش طبيعي تربية الطفل بين الصواب والخطأ Mood25بس طبعا الحمد لله أحنا كل أولادنا طبيعين لأنهم مش بيقولوا حاضر أبدا ههههههههههتربية الطفل بين الصواب والخطأ Mood0.وفى
مثل كمان :في طفل كل يوم يطلع الحلل كلها ويمسك الحله بين أيده ويسبها تقع
,كل يوم على نفس النظام ,مامته كانت بتقول الواد أتجنن وراحت للدكتور
تشتكيله وتقوله أبنى أتجنن وبيعمل كذا وكذا الدكتور قالها سألتيه بيعمل كده
ليه ؟قالت لا بس باينه أنه أتجنن ملهاش تفسير تانى راحت سألت أبنها أنت
بتعمل كده ليييييييييييييييييييييييه ؟قالها عايز أشوف الحله الكبيره صوتها
زى الحله الصغيره ولا فى أختلاف هههههههههههههههههههههه تخيلو طفل زي ده
لو تمت متابعته لالالالالالالالالالالالازم يكون مخترع.


3)المقارنه :أوعى تقارنى بين طفلك وبين أى طفل آخر ,أنتى بالطريقه دى بتخلقي الحسد والحقد بين الأثنين اللى أنتى بتقارنى بينهم,يعنى
مثلا أبنك جاب فى الأمتحان 7 من 10 أول كامه بتقوليها وصحبك أحمد جاب كام
؟صح ,وكمان تقعدى تقولى أخوك أو أختك بتعمل وبتعمل مثلا بتساعد ماما وبتنظف
غرفتها وأنت مش بتعمل كده هيفضل طول النهار يضرب في أختهتربية الطفل بين الصواب والخطأ Mood8ومش طيقها وممكن برضه المدرسه فى الفصل تقول ده أحمد ذاكر وحافظ الدرس وأنت لا ده أحمد بيسمع الكلام وأنت لا طيب ماشي تربية الطفل بين الصواب والخطأ Mood8طول النهار هيضرب ويعض أحمد ,ونرجع
نقول طفلى عدوانى طب ما أحنا اللى بنعمل فيهم كده. عايزه أبنك يساعدك
مثلا فى ترتيب غرفته أو عايزاه يأكل أختاري الوقت المناسب مش هو قاعد بيلعب
وأنتى تيجى تقوليلهتربية الطفل بين الصواب والخطأ Mood19قوم علشان تأكل دلوقتى ,أو مثلا رتب غرفتك دلوقتى ,مش هيسمع كلامك,أنتى لو بتكلمى صحبتك فى موضوع شيق جدا وعايزه تعرفي أيه اللى حصل معاها وحد جه قالك قومى علشان الأكل جاهز تربية الطفل بين الصواب والخطأ Mood21هتقولى مش عايزه كلوا أنتو دلوقتى وأنا هأكل بعدين صح ولا غلط,طب أنتى عايزه تعملى مع طفلك العكس أزااااااااااااااااااااااااااى .حاولى
أن لو أطفالك كبار شويه وفهمين تضعي معهم قواعد أساسيه للتعامل مثلا
:تقولى أن المفروض أننا نساعد ماما واللى مش هيساعد مش هايلعب أو مش هجيبله
حاجه معينه هو بيحبها ,متستنيش لما الموقف يحصل وبعدين تفجئ طفلك بالعقاب
,لآزم يعرف من الأول أن ده الصح ولو متعملشي هيكون فى عقاب وممكن العقاب
يكون كذا .*وكمان لآزم تكونى أنتى والأب قدوه
مينفعشي مثلا الأب يجي يزعق وصوته عالى جدا وبيقول أنتو صتكم عالى ليه ,أنا
مش قولت مية مره صوتنا ميعلاش ,تربية الطفل بين الصواب والخطأ Mood0هههههههههه
طب واللى أنت بتعمله ده أيه ,والأب يقول أنهم نرفزونى فصوتى على ,طب كمان
أبنك عنده نفس العذر أنه أتنرفز من أخوه علشان أخذ منه اللعبه فصوت ,ياريت
نراعى تصرفاتنا


)التربية بأسلوب واحد:يعنى
أنك تقولى أنا شخصيتى جدا وحازمه ومينفعشي أضحك أو أهزر مع ولادى ,أو
العكس أنك تقولى أنا شخصيه مرحه وبضحك على طول ومينفعشي أكون جد مع ولادى
.مينفعشي تكونى حازمه علطول ومينفعشي تكونى مرحه على طول تربية الطفل بين الصواب والخطأ Mood17لأن
فى مواقف تستدعى الحزم ومواقف تستدعى المرح,وكمان فى أم بتقول أنا ربيت
ولادى بنفس الطريقه بس واحد طلع كويس وهادى ومطيع والتانى طلع عصبي وعنادى
بس العيب كده مش من عندى ,نقول لا طبعا لأنك أستخدمتى نفس أسلوب التربيه
لالالازم تعرفى أن كل طفل له شخصيه مستقله عن الطفل الأخر وتتعاملى مع كل
شخصيه بالطريقه التى تصلح معاها.ممكن
نستعمل مع أطفالنا التمثيل "يعني لو عايزين نعلمهم آدآب الأستئذان ممكن
نقولهم يلا حد يطلع بره الغرفه ويخبط على الباب وأحنا نقول مين فطبعا الطفل
هيقول أنا وهيدخل ,نقوله لا ياحبيبي أنا دى مش حلوه لأنها من الشيطان لما
نقول مين تقول أحمد وهكذا باقي التمثليه وكمان لو عايزين نعلمهم أى سلوك
ايجابي مثلا نقولهم تعالوا نمثل دور البنت المؤدبه اللى بتساعد مامتها فى
البيت وهكذا.........
" 5)قبول الوالدين شرط الطفل:متسمحيش لطفلك أنه يملى عليكى وعلى أى حد شروط ,يعنى مثلا يقولك أقعد ساكت وتعطيني بونبوني ,أو هروح أجيبلك حاجه وهأخذ كذا .أوعى تعملى كده بالطريقه دى أنتى بتربي طفلك على الرشوه ومش هيعمل حاجه فى حياته الا بمقابل.
وأهم
حاجه أنك تضعى قواعد متفق عليها
كما ذكرنا فيما قبل يعنى مثلا نتفق لو
معملتش الواجب مش هتروح عند جدتك وخدى بالك لو معملشي الواجب
لالالالالالالالازم تنفذى العقاب علشان لو منفذتيش هيقول ياعم دى ديما
بتقول ومبتنفذشيتربية الطفل بين الصواب والخطأ Mood24لكن
ممكن أنك تحفزى طفلك مثلا لما يذاكر كويس تعطيه بونبونى ولكن التحفيز يكون
بعد العمل وليس قبله حتى لايكون رشوه ,بس مينفعشي أنك تقوليله لما تأكل
هعطيك كذا لالالالالالالالالا لأنه الطبيعي أنه يأكل .


*سمات المرحلة السنية من 3 الى 6 سنوات (مرحلة الطفوله المبكره):وطبعا هتقولوا أيه كلام الانشاء دهتربية الطفل بين الصواب والخطأ Mood24ده مش كلام أنشا أحنا لازم نعرف خصائص المرحله اللى فيها أولادنا علشان نعرف نتعامل معاهم تربية الطفل بين الصواب والخطأ Mood10نرجع بقي للخصائص:
1)اكتمال نمو حواس الطفل :وده
معناه أن حاسة السمع مثلا أكتملت فنتأكد أن الطفل بيسمع كويس طبعا من خلال
كلمنا معاه لأنه ممكن يكون عنده مشكله فى السمع وأحنا فاكرين أنه عندى تربية الطفل بين الصواب والخطأ Mood25
.2)تمركز حول الذات: أيه أيه مش فاهمه حاجهتربية الطفل بين الصواب والخطأ Mood25براحه
خالص ده معناه أن الطفل لايفهم الأشياء الا من خلال ضرب الآمثله يعنى نضرب
أمثله حسيه وهذا يجعل قدرة الطفل على الأستيعاب كبيره,مثلا هو مش هيفهمك
لو قعدتى تقوليله ربنا عظيم ربنا بيحبك طب هو مش فاهم لكن لو قولتيله شايف
وشك الجميل ده وشايف أيدك اللى بتلعب بيها دى وشايف شعرك الجميل دهكل ده
ربنا هو اللى عملهولك شفت ربنا بيحبك أزاى تربية الطفل بين الصواب والخطأ Mood4
.3)القدره على التحكم فى عملية الأخراج:يعنى قادر على التحكم فى التبول والتبرز.
4)القدره على التقليد والمحاكاه:نأخد
بالنا كلنا كأم أو كمعلمه أن الطفل يضعك تحت الميكروسكوب يعنى لو أنتى
بتضربيه يبقى هيضرب أخوه وأصحابه لما يلعب معاهم ,ولو بتصرخى في وشه لما
يعمل حاجه غلط يبقي لما أخوه أو حد يزعله يصرخ لانه ببساطه بيقلد ماما
والميس بتاعته.
5)يمتاز نموه الأنفعالى بالشده والمبالغه فيه:يعنى
الأنفعالات تتسم بالحده وده معناه أنه لما يفرح يفرح أوى ومره واحد تلاقيه
بيبكى بشده ,يعنى كل حاجه عنده بشده ,شدة الفرح ,شدة البكاء ,شدة الغيره
.6)النمو العقلي تتكون فيه مفاهيم الزمان والمكان: يعنى يبدء يعرف الصبح ,باليل مثلا يوم الجمعه .
7)سرعة النمو اللغوى :ممكن يعرف كلمات كتير لكن لايعبر بكل الكلمات التى يعلمها ,يعنى
ممكن يتعلم أشياء كتيييييييير فى الحضانه لكن المدرسه تيجى تسأله ميردش
عليها ,لكن يروح يقول لمامته كل حاجه أخدوها وحافظها كويس جدا.
Coolيمارس التعلم عن طريق الخبره والمحاوله والخطأ:مثلا مش أول ماهيكتب هيكتب كويس,سبيه يجرب الحاجه ويغلط علشان يتعلم.
9)لايستطيع الطفل في بداية المرحله العمريه التركيز والأنتباه:يعنى الطفل اللى عنده3 سنين يقدر ينتبه ويركز 3 دقائق وبعد كده يقوم يلعب, يطنططتربية الطفل بين الصواب والخطأ Mood3,لكن مع الوقت يزداد التركيز والأنتباه.
10)يميل الطفل في هذه المرحله الى اللعب الخيالى :يعنى ممكن تلاقيه قاعد على الكرسي وكأنه حصان .هههههه.
11)يميل الطفل لأستخدام الألفاظ السهله:يعنى نحاول نبسط الكلمات .
12)يتذكر الأشخاص والصور والأشياء.
13)اكتساب قيم الوالدين والمعايير السلوكيه:يعنى مثلا لو بابا بيزعق وصوته غالي يبقى هو هيكون صوته عالى ويزعق وهكذا. 14)القدره على مصاحبة أقرانه:يعنى يلعب مع أصدقائه ويتعامل معهم.
15)أعتماده على ذاته في ممارسة بعض الأعمال:مثلا
يحاول يلبس البنطلون بنفسه,أو القميص,أو تناول الطعام بمفرده
أوووووووووووووووعى تسخرى منه حتى لو لبس الرجلين في واحده لأنك بتهزى ثقته
فى نفسه وكده هيكون طفل أعتمادى يعتمد على الغير في كل شئ ,نقول شاطر
برافو بس نضع الرجل دى هنا والتانيه هنا .
16)القدره على توجيه الأسئله للأخريين:نجاوب على كل الأسئه ولا ننهره عن ذلك,لأنه يكتشف العالم الخارجى من خلال الأسئله.

أساليب تربويه ناجحه تستخدم فى هذه المرحله:
1)التربيه بالأثابه:من
لايشكر الناس لايشكر ربه,نعوده على الشكر والثناء ,ولو طلبتي منه حاجه
وعملها أشكريه وقوليله جزاك الله خيرا,وممكن الشكر يكون بالأبتسامه ,أو
بالقبله,بالتحفيزوالتشجيع.
2)التربيه بالعقوبه:تربية الطفل بين الصواب والخطأ Mood8لالالالالالالالالالالالا
طبعا مش معناها الضرب ,وأوووووووووووعى تقوليله أنك مش بتحبيه لانه بيرسخ
فى ذهنه أنك مش بتحبيه ويؤثر فى نفسه,والتربيه بالعقوبه لاتتعارض مع الحب
,مثلا تقوليله مفيش خروج النهارده ,أو مفيش كارتون النهارده.
3)التربيه بالعاده :نعوده على أشياء معينه حتى تصبح عنده عاده مثلا الصلاه لو أتعود عليها من صغره فستصبح عاده ولن يتركها ,مثلا غسيل الأسنان.
4)التربيه بالحدث:نستغل
الحدث أو المشكله اللى حصلت فى أ؟نه يتعلم منها ,مثلا كسر كوبايه نعلمه
أننا نلبس حاجه في رجلينا علشان الزجاج المكسور ونجيب المقشه واجاروف ونلم
الزجاج براحه ,ومنصوتشي علشان الكوبايه أتكسرت ونقعد نقوله أنا قولت أن
الكوبايه دى هتتكسر وأنت مش بتسمع الكلام,سبيييييييييييييييه يجرب ويغلط
ويتعلم.
5)التربيه بالقصه:دائما نحكى قصه عن السلوك اللى عيزاه يتعلمه.


*بعض الأفكارلمساعدة أطفالنا على حفظ القرآن الكريم سواء للأم أو للمعلمه
:1)الأستفاده من الوسائل التكنولوجيه المتوفره حديثا مثلا :التسجيل ,الكمبيوتر .ممكن نجيب شريط قرآن بصوت قارئ ويكون طفل صغير أو قارئ كبير والأطفال بيقرؤ وراه.
2)الفصل بين أوقات الحفظ يعنى
مثلا لو الطفل هيحفظ ساعه يبقي لالالالالالالازم يفصل خلال الساعه دى أو
نغير الأسلوب اللى بنحفظ بيه خلال الساعه ,ممكن شويه نسمع شريط قرآن ,وكمان
شويه نطلع طفل يقول وأصحابه يقولوا ورآه أو أخواته ,وممكن نطلع واحد واحد
يقرأ وهمه يقرأو ورآه، وكمان شويه ممكن نحكى قصه ترفيهيه,أو نلعب معاهم أى
لعبه.
3)التشجيع عن طريق المكافأه وممكن
تكون المكافأه هى الكلمه الطيبه ,لعبه بسيطه ,بونبونى ,وممكن نعمل لوحة
شرف فى المدرسه أو فى البيت واللى بيحفظ كويس هنضع أسمه فى لوحه الشرف بس
طبعا نكون متفقين من الأول قبل ما نحفظ علشان الأطفال متزعلشي من بعض .
4)التواصل بين المعلمه والأهل يجب أن يكون هناك متابعه من الأم وبذل مجهود مع الطفل فى المنزل وكذلك في المدرسه.

*تؤكد الدراسات أن الطفل الطبيعي الذى يبلغ من العمر 3أو 4 سنين
لالايستجيب الا لثلث الأوامر التى تطلب منه ويمكن تفسير ذلك العصيان من
الطفل على أنه :
1)رغبه فى تحقيق الاستقلال .
2)قلة القوانين والقواعد أو المبالغه فيها. يعنى ممكن نكون أحنا مش متفقين مع الطفل على قواعد معينه أو متفقين على قواعد كتييييييييييييير .
ماذا نصنع فى هذه المشكله؟
1)الأكتفاء بالتعليمات الضروريه التى تناسب سنه .
2)جعل التعليمات واضحه ومحدده وايجابيه يعنى مثلا نقوله لو سمحت ممكن تروح الحمام تغسل أيدك ,مش نقوله أيدك مش نظيفه لالالا.
3)تجنبي أسلوب السؤال (لماذا لم تحفظ القرآن ؟).
4)حاولى صياغة الأمر الذى ترغبين في تنفيذه بطريقه تظهر ثقتك بأنه سيستجيب للأمر يعنى تكونى بتطلبى الشئ وأنتى بتبينى الثقه أنه هينفذه.
5)أعطيه الوقت الكافى للأستجابه,لاتأمريه بشئ وهو مشغول بأخر أو وهو
بيلعب.
6)أمدحيه اذا نفذ ماتريدين .
7)أنتى قدوه هيتعلم منك العند والعصيان
,واذالم تستجيبي لرغباته لم يستيجتب لرغباتك ولو كنتى مشغوله أشرحيله أنك مشغوله ممكن تنتظر شويه .

الرجوع الى أعلى الصفحة اذهب الى الأسفل
د.رشا
مشرفة قصر فن الطهى
د.رشا


انثى
عدد المساهمات : 146
نقاط : 214
السٌّمعَة : 12
تاريخ التسجيل : 16/09/2010
العمل/الترفيه : طبيبة نساء وتوليد
المزاج : تماااااام تيل ناو

تربية الطفل بين الصواب والخطأ Empty
مُساهمةموضوع: رد: تربية الطفل بين الصواب والخطأ   تربية الطفل بين الصواب والخطأ Icon_minitimeالإثنين ديسمبر 20 2010, 10:51

يارب الموضوع يعجبكم
وفي انتظاااار ارائكم
الرجوع الى أعلى الصفحة اذهب الى الأسفل
sarora
وصيفة متميزة
sarora


انثى
الميزان الماعز
عدد المساهمات : 151
نقاط : 349
السٌّمعَة : 15
تاريخ الميلاد : 16/10/1991
تاريخ التسجيل : 13/09/2010
العمر : 32
الموقع : اوريفليم و افون
العمل/الترفيه : اوريفليم و افون
المزاج : الحمد لله

تربية الطفل بين الصواب والخطأ Empty
مُساهمةموضوع: رد: تربية الطفل بين الصواب والخطأ   تربية الطفل بين الصواب والخطأ Icon_minitimeالثلاثاء ديسمبر 21 2010, 23:26

الموضوع حلو اوووووووووووووووووووى هجربه بعد عمر طويل ان شاء الله عقبال ما نخلص من ام الكليه دى بس لو البت مطلعتش من اوائل الجمهوريه فالثانويه العامه مش هتدخل كليه اصلا اومال انا صرفت عليها ليها ههههههههههه هديلها كلمتين من اللى الواحد بياخدهم

affraid
الرجوع الى أعلى الصفحة اذهب الى الأسفل
 
تربية الطفل بين الصواب والخطأ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ملكة القصر :: المرأة والمجتمع :: العناية بطفلك-
انتقل الى: