الي باب مشكلتي 1

السلام عليكم ورحمة الله وبركاته ..

تحية طيبه ،، أما بعد.

ارجو منكم اعطائي النصح و المشورة لمشكلتي هذه ، لاني تعبت من كثرة التفكير ، وأرى أن أطرح مشكلتي لديكم علي أجد ما يريح فكري ويحل مشكلتي... انا فتاة ابلغ من العمر 25 سنه ، نشأة مع أهلي في بلاد الغربه منذ نعومه أظافري ، وشاءت الظروف لكي أدرس الجامعة في بلادي ، مما أتاح لي المعرفة والتقرب لبعض أفراد العائلة الممتدة ، وبعد التخرج ، عملت لمدة سنه في احدى المستشفيات بهدف الحصول للخبرة ، عيشت طيلة هذه الفتره مع عائله تربطنا بهم صله قرابة ، وهنا بدأت قصتي.....

تعرفت على شخص هو من افراد هذه العائله ، وهو على خلق ودين ،وميسور الحال ، يعمل كسائق لدى احدي الشركات ، ونشأت بيننا قصة اشبه بقصص الحب ،فقد زاد بيننا الإعجاب والاحترام لبعضنا البعض ولكن من غير ما نصارح به بعضنا ، وعندما انتهت فترتي معهم واستعديت للسفر والعودة لاهلي ، عرض علي فكرة الإرتباط به ، وبصراحة أنا ليس لدي أي اعتراض فيه ، وموافقة به من كل النواحي ، لاني وبعد عيشتي معهم ومعاشرتي لهم وجدت فيه ما كنت أريده في من أريد الأرتباط به من خلق ودين فهم للحياه واحترامه لذاته ولغيره ، وغيرها من الصفات التي عرفتها فيه بسبب العشرة التي كانت بيننا طيلة وجودي لديهم في منزلهم من غير زيف أو تجميل للصفات... لكني لم أصارحه أو اعطه الجواب لسؤاله...

المشكله هي في أهلي ، فهم غير موافقين على فكره الأرتباط بشخص لم يكمل تعليمه ولم يحصل على شهادة جامعية ، على العلم من أنه لم يترك تعليمه الا بسبب ظروفه العائلية وبعد وفاة والده وتحمله للمسؤوليه أهله وهو صغير في العمر ـ لانه الأكبر في أسرته ، فكان عليه أن يترك الدراسة ويعمل ليعيل أهله... ولكن هذا ما جعل الفارق الأجتماعي والاكاديمي والمهني يخلق بيننا..فأنا متعلمة تعليم جامعي وخريجة قسم التخدير...هو غير رافض لفكره التعليم ، لكنه يؤجل ذلك إلى أن يستطيع أخوته على الأعتماد على انفسهم ، ليستطيع هو الالتفات لنفسه ..وهو منتظر مني الأجابة ويتصل بي ، ولكني لم أستطع الرد على مكالماته ... خوفي الاكبر هو فقدانه ،لاني بحبه جدا ، وخوفي الأخر هو ان اجرحه بالرفض ( ليس اعتراض مني ) ولكن بسبب عدم موافقة اهلي ،فلا أريد ان ارتبط بشخصا بدون رضا أهلى به
لا أدري ما الحل ؟ارجو منكم المساعدة
في الحقيقه يا جماعه ان دي مش مشكلتي الحمد لله بس هيا مشكله بنت بتحكي مشكلتها وعايزه تعرف الحل ربنا يوفقها ان شاء الله احب اعرف رايكو ايه ونوصل لحل سوي ان شاء الله

انا رايي ان دي مشكله منكرره دايما وبتحصل كتير لكن الحب ميعرفش كدا ميعرفش الاختلاف الطبقي داهيا ممكن تكون مشكله بالنسبه للاهل لكن بالنسبه ليهم لاء بس في نفس الوقت هيا مش تقدر تتجوز بعدم رضا اهلها لانهم اهم حاجه في حياتنا منقدرش نزعلهم وفي نفس الوقت قبلنا مش بايدينا عشان تقولو تحب دا ولا متحبش دا بس هو الاختلاف بينهم كبير اوي وهو كمان لسه عندو اهتمامات تانيه غير التعليم بسبردو مش ينفع اننا نزعل اهلنا مننا وربنا يوفقها ان شاء الله

حاجه جميله جدا ان البنت بتفكر في رضل اهلها قبل رضاها
والحب بينهم ده حاجه جميله جدا
ولكن هتقابلها مشاكل كتير بسبب الفرق في التعليم
مثلا اولادها لما يكبروا في المدرسه هيقولوا ايه لاصحابهم
وكمان هي في شغلها ومع زملائها هتكون محرجه
وده رأيي وطبعا اختلاف الرأي لا يفسد للود قضيه

رايك جميل واللهي فعلا مش ينفع نعمل حاجه بعدم رضا اهلنا بس كمان هيا كان مفروض من الاول تفكر بعقلها قبل قلبها عشان ترتاح بعدين بدل الحيره اللي هيا فيها دي وخير ان شاء الله ربنا يوفقها
شكرا ليكي علي مرورك يا اسيره

هو انا بصراحه محتاره ومش عارفه احكم مش موافقاكم فى الراى و فى نفس الوقت مقدرش اعترض معاكم لان مينفعش طبعا ترتبط بيه من غير رضا اهلها وبرضه حرام تظلمه معاها بس هى اللى عملت كل ده من الاول كان حسبت الامور بالعقل مع القلب وعرفت اهلها من الاول فلازم تستحمل نتيجه غلطها وهى قالت انه عنده استعداد يكمل دراسته اعتقد المفروض تستنى بقى شويه وتخلى اهلها يدوله فرصه انه يكمل تعليمه ويتقدملها

بجد رأيك جميل اوي انا معاكي في كل كلامك بس تفتكري اهلها ممكن بستنو فتره طويله علي ما يدرس وهيا كمان بتقول انو مش موافق ربنا معاها
شكرا علي مرورك

أنا رأي انها تحاول تفكر شوية بعقلها لأنها كدة هتحط نفسها فى مشاكل ملهاش نهاية بعد كدة وللعلم حتى لو أهلها وافقوا هى مش هتكون سعيدة فى حياتها الزوجية عشان اختلاف مستوى التفكير وطريقة التعليم طبعا بتاثر على شخصية الانسان
اما انه يكمل تعليمه فدى طبعا حاجة صعب حدوثها لأنى متأكدة انه لو طرحت عليه الفكرة دى هو مش هيوافق اصلا لأن الولاد مش زى البنات بالنسبة للتعليم بمعنى ان الموضوع مش هيفرق معاه ولو فرضنا انه وافق صعب جدا ان اهلها يستنوه على ما يخلص تعليمه

فعلا كلامك صح انا اعرف ناس كتير كدا بيتجوز وبعد الحواز بينفصلو لانهم مش بيقدرو يكملوا للاختلاف الطبقي ولاجتماعي والثقافي
شكرا علي مرورك

بصراحة انا من رأي نسرين
كل اللي البنت حاسة بيه
نتيجة لبعدها عن اهلها فكانت شخصيتها ضعيفة شوية وفوجئت باهتمام هذا الشخص
وتلقائيا تعلقت بيه ....لكن شوية بشوية هتلاقي نفسها ندمانه على تفكيرها ده
لان التوافق الفكري مهم جدا
وكمان فيه مشكلة ناتيه انه هو بعد ارتباطهم ممكن يحس انه اقل منها
وهنا قدامه طريقين اما ان الحب الافلاطوني ده يختفي ويبدأ يغلس عليها من مبدأ انتي احسن مني بس انا باتحكم فيكي
زي مثلا انه يمنعها من نزول الشغل ....
او انه ياخد الجانب الضعيف ويعتمد عليها ......
وبعدين مع اول مشكلة هتلاقي عبارة :
معلش بقى اصلي جاهل مش زي حضرتك متعلم
اما موضوع تعليمه فدي تأليفة لغاية ما الارتباط يتم وبعدها اجيب وقت منين ونصرف منين؟؟؟

انا اسفة ممكن اكون قاسية شوية بس دي الحقيقة

بجد فعلا رايك جميل اوي وهو فعلا في اختلاف كبير بينهم في العلم والحاله الاجتماعيه والماديه
وكمان هيكون في بينهم كدا كلام وححج زي ما حضرتك قولتي
بس هيا كان مفروض انها تفكر بعقلها من البدايه عشان مش تتعب بعدين
شكرا ليكي علي المرور وعلي رايك بجد جميل اوي ومش قاسي ولا حاجه بس في حاجات بتكون الصح وتتفرض علينا اننا نعملها عشان مش نتعب بعدين في حياتنا وهنوصل لنفس النتيجه بردو انهم مش مناسيني لبعض ربنا يهدي الكل

يجماعه هما الاتنين غلطو بانسياقهم فى حاجه مستحيله لان العقل دايما بيسبق القلب وهما عملو نفسهم مش شيفين الحقيقه لحد موصلو لدرجه كبيره من الحب وساعتها بدأوا يفكرو فالمشكله..,.......صعب وبعدين شكلها من اسره مرتاحه مديا كمان يعنى هو اجتماعيا مش مناسب وكمان ماديا شايل مسؤلية اسره فصعب والمفروض تصارحه حتى لو ده صعب عليها وعليه بس عالاقل بمسج علشان متسبوش متعلق بيها اكتر من كده وصدقونى يجماعه يوم مهى تلاقى الانسان المناسب هتنسى حزنها عالشخص ده وهو كذلك

شكرا ليكي د.رشا
رايك جميل وزي ما هيا غلطانه هو كمان غلطان وهو كمان مش لازم بتعلق بيها اكتر من ولا هيا بردو
وربنا يوفقهم مد حد تاني