كل سنة وانتو طيبين يا احلى دكتورات............الدراسة بدأت

ازيكوا يا دكتورات المستقبل

كل سنة وانتوا طيبين وبألف خير

ويارب السنة دى تكون أحلى من السنين اللى فاتت يارب

هنبدأ نتعرف على مواد السنة دى مادة مادة

يعنى كل مرة نتكلم عن مادة معينة ونناقشها وأى حد عنه استفسار يقول واحنا نجاوب

بسم الله

هنبدأ بمادة الباثولوجى

بالنسبة للباثولوجي (فهو أطول مادة ... مش رخمة قوي زي ما هو متوقع ، بس طويلة قووووووووي ولازم تتلم أول بأول علشان متوهش في الآخر)

هاجيبلكم كلام عام عن المادة وبعدين ندخل في العميق شوية

" علم الأمراض "

أنهى أمراض ؟؟
كل الأمراض اللى بتصيب الإنسان ...
سواء نتيجة خلل فى الوظيفة ، أو خلل فى شكل العضو أو الخلية ، أو الاتنين مع بعض

يعنى عندنا كتاب كبييييييير فيه أسامى الأمراض ؟؟
مش بس أسامى الأمراض
احنا بنعرف ليه الأمراض دى أساسا حصلت
وايه المضاعفات اللى ممكن تحصل
وبالتالى هنعرف نعالج

وبيكتبولنا بعد كل مرض هنعالجه ازاى ؟؟
لأ مش بيكتبوا
احنا بندرس الأمراض فقط لا غير

طيب كل مرض بناخده ازاى ؟؟

فى الأول خالص عندنا صفحتين مقدمة عن علم الباثولوجى
والباثولوجى ده مختص بدراسة ايه
بنفهم من خلال المقدمة دى احنا هنمشى ازاى فى دراستنا

بيقولولنا فى الأول إننا عشان ندرس أى مرض
هنمشى بنظام معين

ايه هو ؟؟

1 – هنشوف المرض ده تعريفه ايه Definition

2 – هنعرف سبب المرض Cause or etiology

3 – هنعرف ازاى حصل ( الميكانيزم بتاعه ) Pathogenesis

4 – هنعرف ايه التغيير اللى حصل فى شكل الـ Organ أو الخلية
يعنى الـ Morphological changes

ودى بطريقين
الأولى إننا هنشوف الشكل متغير ازاى بعنينا المجردة
يعنى الصورة الحية اللى أدامنا ،، والدراسة دى اسمها Gross pathology

والطريقة التانية إننا نشوف تحت الميكرسكوب
مقطع ، أو مجموعة خلايا ، وهكذا
والدراسة دى اسمها Microscopic examination

5 – آخر حاجة هنعرفها
ايه التغير فى الوظيفة اللى حصل ، لما الشكل اتغير وحصله خلل
ودى الجزئية اللى الدكتور بيشوفها على المريض
Clinical significance

وعندنا فى الحتة دى كذا حاجة بندرسها
ممكن ناخدهم كلهم ، وساعات نتكلم عن حاجة واحدة ، أو حاجتين وهكذا

أولا : بنعرف ايه الحاجات اللى هييجى المريض يشتكى منها زى المغص مثلا أو ألم فى منطقة معينة
( Symptoms )

ثانيا : الحاجات اللى الدكتور هيشوفها بعينه لما ييجى يفحص المريض ده ( Signs )

ثالثا : هنعرف المرض ده بدأ ازاى ، فجأة ( حاد يعنى ) ، ولا بالتدريج ( مزمن )
وبالتالى هنعرف شدة المرض ( Onset )

رابعا : حاجة اسمها (Prognosis ) ودى بالعربى معناها إنذار أو علامة ، يعنى الحالة اللى هيكون عليها المريض خلال المرض
يعنى هنعرف هل المرض ده ليه good prognosis or bad
ويا ترى هينفع يتعالج ويرجع زى الأول ولا لأ

خامسا : المرض ده ايه مصيره ، يعنى هيروح خالص ، ولا هيتحول لحاجة تانية (Fate )

سادسا وأخيرا : ايه مضاعفات المرض ده (Complications )

طبعا مش كل ده بناخده عن كل حاجة
لأ فيه حاجات بنركز على نقط معينة وفيه حاجات متنفض ليها أساسا
يعني مش كل مرض هاعرف فيه كل حاجة من النقط اللي فوق دول

درجات الماده

300 درجه مقسمه كالتالى

75 ورقه اولى
75 ورقه تانيه
50 MCQ
30 درجه شفوى على لجنتين
10 كتاب
60 عملى بيكونو 5 جارات و5 slide

نظام الامتحان
الاجابه فى نفس الورقه لانه بيكون عباره
عن شورت نوتس
اجاباتها مش طويله اوى

الباثولوجى ماده جميله والاغلبيه
بتجيب فيها امتياز
_______________
للحديث بقية santa

الفارما

طبعا اكبر واهم ماده فى سنه تالته
اكتر من برانش مجتمعين فى كتابين (القسم)

الاجزاء

1. general
2. ANS
3. cardio
4. autacoids
5. renal
6. GIT
7. Respiratory
8. CNS
9. chemotherapy
10. blood
11. eye ودى غالبا بتبقى عملى بس مش بتيجى فى النظرى

المذاكره

وطبعا فيه ناس كانت بتذلكر من كتب القسم
بس الاغلبيه اكيد كانت من مذكرات الكورسات

* مذكرات دكتور عبد المتعال وهى منظمه وملخصه وفيه المفيد على طول المفيد طبعا بالنسبه للامتحان
*
مذكرات دكتور سيد وهى طويله شويه والمعلومات فيه وفيره جدا ومطوله بصراحه تكسب خبره اكتر فى الفارما بس ممكن مش تقدر تلم كل المعلومات منها وقت الامتحان( دا على حد قول الناس اللى كانت بتذاكر منها )
*
اللى كانوا بياخدوا عند دكتور شريف كانوا بيذاكروا من مذكرات دكتور سيد

درجات الماده
300 درجه مقسمه

(75) درجه ورقه اولى
(75)درجه ورقه تانيه
(30) درجه ثلاثه امتحانات على مدار
السنه غالبا 2 الترم الاول وواحد الترم التانى
كل امتحان 10 درجات
(هى العملى للماده)

(60 )درجهMCQوبيكون الترم التانى بس
40درجه cases))
(20)درجه شفوى لجنتين كل لجنه 10 درجات

» تأجيل بدء الدراسة للفرقة الخامسة جديد
» حصريا جدول الدراسة للفرقة الثالثة كلية طب المنصورة
» كتالوج افون وصل يا احلى بنااااااااااااااااااااااااااااااات
» احلى ثومية لاحلى ملكات
» حل مشكله تساقط الشعر مع احلى ماسك تعمليه بنفسك